ഓരോ
പ്രദേശത്തേയും കാലാവസ്ഥക്കും കാലാവസ്ഥ വ്യതിയാനങ്ങള്‍ക്കും അനുസരിച്ച് ഉണ്ടാകുന്ന
രോഗങ്ങള്‍ക്ക് അതാത് പ്രദേശങ്ങളിലെ പ്രകൃത്യാലുളള ആഹാരങ്ങള്‍ പലപ്പോഴും
ഔഷധമാകാറുണ്ട്. ഉദാഹരണത്തിന് കേരളത്തിലെ കാലാവസ്ഥ മാറ്റങ്ങള്‍ മൂലമുണ്ടാകുന്ന
രോഗങ്ങള്‍ക്ക് കേരളത്തില്‍ സുലഭമായി ലഭിക്കുന്ന കരിക്കിന്‍ വെളളം കഴിക്കുന്നത്
നന്നെന്ന് കേട്ടിട്ടുണ്ട്. അതുപോലെ തന്നെ അതികഠിനമായ ചൂടുളള അറേബ്യന്‍
രാജ്യങ്ങളില്‍ കാലാവസ്ഥാനുസൃതമായി ഉണ്ടാകുന്ന രോഗങ്ങള്‍ക്ക് മികച്ച ഔഷധമാണ്
അവിടങ്ങളില്‍ കാണുന്ന ഈന്തപ്പഴം. ചുരുക്കത്തില്‍ ഓരോ പ്രദേശത്തേയും കാലാവസ്ഥക്ക്
അനുസരിച്ചുളള ആഹാരങ്ങള്‍ നമുക്ക് പ്രകൃത്യാല്‍ തന്നെ ലഭിക്കുന്നുണ്ട്.
കേരളത്തിന്‍െറ തനത് ഭക്ഷണങ്ങളായ കപ്പയും നാടന്‍ മത്സ്യക്കറികളും
കരിക്കിന്‍വെളളവും കേരളീയ സദ്യയുമൊക്കെ വിദേശികള്‍ക്ക് പോലും പ്രിയങ്കരമാണ്.
ജനിച്ച നാട്ടില്‍ നിന്നും അകന്ന് പ്രവാസത്തിന്‍െറ കൊടുംചൂടില്‍ കഴിയുന്ന
എന്നെപ്പോലെയുളളവരില്‍ സത്യത്തില്‍ അത്തരം ഭക്ഷണങ്ങള്‍ ഒരു നൊസ്റ്റാള്‍ജിയ ഉണര്‍ത്തുന്നു.
എന്നാല്‍ കേരളത്തിലെ ഇന്നത്തെ കോര്‍പ്പറേറ്റ് യുവതലമുറ ഷവര്‍മ്മ (ശവ ര്‍മ്മ
എന്നും പറയാം!)പോലുളള ഫാസ്റ്റ് ഫുഡിനെയാണ് കൂടുതല്‍ ആശ്രയിക്കുന്നത്. ഈ ഷവര്‍മ്മ
അറേബ്യന്‍ ഫുഡാണ്. എരി ചേര്‍ക്കാതെ പുഴുങ്ങിയ മാംസം ഇളം ചൂടില്‍ വേവിച്ച്
കുബ്ബൂസിനുളളില്‍ പൊതിഞ്ഞ് തരുന്നു. മുളക് കാണുന്പോള്‍ തന്നെ എരിയുന്ന അറബികള്‍ക്ക്
ആ ആഹാരം ചേരും. കേരളത്തില്‍ അഴുകിയ ചിക്കന്‍ ഉപയോഗിച്ച് തയ്യാറാക്കിയ ഷവര്‍മ്മ
കഴിച്ച് യുവാവ് മരിച്ച സംഭവം നമ്മില്‍ ഉണര്‍ത്തിയ ഞെട്ടല്‍ ഇനിയും
മാറിയിട്ടില്ല.നാടന്‍ ഭക്ഷണങ്ങള്‍ ഒഴിവാക്കി മലയാളി കോര്‍പ്പറേറ്റ് സമൂഹം ഇത്തരം
ഭക്ഷണങ്ങളുടെ പുറകെ പോകുന്നത് ഒരു തരം ജാഡ കാണിക്കല്‍ അല്ലെ എന്ന് ആരെങ്കിലും
സംശയിച്ചാല്‍ അവരെ കുറ്റം പറയാനാവില്ല.
ഇന്നലെ സാള്‍ട്ട് ആന്റ് പെപ്പര്‍ എന്ന ചിത്രം
കാണാനിടയായി. ഏറെ പ്രതീക്ഷകളുമായാണ് ചിത്രം കാണാനിരുന്നത്. എന്നാല്‍ ചിത്രം എന്റെ
പ്രതീക്ഷകള്‍ക്കൊത്ത് ഉയര്‍ന്നില്ല. ഇൌ ചിത്രം കാണാത്തവരാണ് പലപ്പോഴും
ഇതിനെക്കുറിച്ച് മികച്ച അഭിപ്രായം പറഞ്ഞിരുന്നത്. ചിത്രത്തിന്റെ മാര്‍ക്കറ്റിംഗിലും
അണിയറ ശില്‍പ്പികള്‍ വിജയിച്ചു. അതുകൊണ്ടാവണം ചിത്രം മികച്ച ഹിറ്റായി മാറിയത്.
ദുബായിലെ തീയേറ്ററുകളിലും ചിത്രം ഹൌസ്ഫുള്‍ ആണ്. കണ്ടവരക്കൊ റിവ്യൂകളിലും മറ്റും
വായിച്ചും കേട്ടറിഞ്ഞതുമായ തരത്തിലുളള നല്ല അഭിപ്രായമാണ് പറയുന്നത്. തങ്ങളായി
മാറ്റിപ്പറയേണ്ടതില്ലല്ലോ എന്ന ചിന്തയാകണം ഇതിന് പിന്നില്‍.
ബാബുരാജ് എന്ന നടന്റെ
വ്യത്യസ്തമായ കഥാപാത്രം ഒഴിച്ച് നിര്‍ത്തിയാല്‍ ഇതില്‍ എടുത്ത് പറയത്തക്കതായി
ഒന്നും തന്നെ ഉണ്ടായിരുന്നില്ല. സ്ഥിരം വില്ലന്‍ വേഷങ്ങളില്‍ നിന്ന് വേറിട്ട് നില്‍ക്കുന്ന
കഥാപാത്രമാണ് ബാബുരാജിന്റേത്. അദ്ദേഹം തന്റെ കഥാപാത്രത്തെ മികച്ച രീതിയില്‍
അവതരിപ്പിച്ചു. അത്തരമൊരു കഥാപാത്രത്തെ ബാബുരാജിനെ ഏല്‍പ്പിക്കാന്‍ സംവിധായകനായ
ആഷിക് അബു കാണിച്ച തന്റേടം പ്രശംസനീയം തന്നെ. മറ്റ് ചിത്രങ്ങളില്‍ അധികം
കണ്ടിട്ടില്ലാത്ത തരത്തില്‍ സൌഹൃദസദസില്‍ സ്ത്രീകള്‍ മാത്രമിരുന്ന് മദ്യപിക്കുന്ന
ഒരു സീനും ചിത്രത്തിലുണ്ട്. ചിത്രത്തിന് വ്യത്യസ്തത കൈവരുത്താനുളള സംവിധായകന്റെ
ഗിമ്മിക്കായിരുന്നിരിക്കണം ഇതെന്ന് തോന്നുന്നു. ഒരു കാട്ടുമൂപ്പനെ
ചുറ്റിപ്പറ്റിയുളള ചില സംഭവങ്ങള്‍ ചിത്രത്തില്‍ കാണിക്കുന്നുണ്ട്. ചിത്രം
തുടങ്ങുന്നതുതന്നെ ഇവിടെ നിന്നുമാണ്. എന്നാല്‍ ചിത്രത്തില്‍ പ്രദിപാതിക്കുന്ന
ഇത്തരം പല കാര്യങ്ങളിലും ഒരു പൂര്‍ണത കൈവരുന്നില്ല. അങ്ങനെ മൊത്തത്തില്‍
നോക്കുമ്പോള്‍ സാള്‍ട്ട് ആന്റ് പെപ്പര്‍ ഒരു ഉപ്പില്ലാ കഞ്ഞിപോലെയാകുന്നു.
വി.എസ് എന്ന ഒറ്റയാള്‍ പട്ടാളം കത്തിക്കയറുകയാണ്. കഴിഞ്ഞ ഒരാഴ്ചക്കുളളില്‍ കേരള രാഷ്ട്രീയത്തില്‍ ഉണ്ടായ സംഭവ വികാസങ്ങള്‍ അദ്ദേഹത്തിന്റെ കരിയര്‍ ഗ്രാഫ് ഉയര്ത്തിയിരിക്കുന്നു. രാഷ്ട്രീയ ഭേദമന്യേ മലയാളിയുടെ മനസിലുളള സ്ഥാനം അദ്ദേഹത്തിന് അരക്കിട്ട് ഉറപ്പിക്കാന് കഴിഞ്ഞു. വരുന്ന നിയമസഭാ തെരഞ്ഞെടുപ്പില്‍ ഇടതുപക്ഷത്തിന് ഇത് വോട്ടാക്കി മാറ്റാനാകുമോ എന്ന് കാത്തിരുന്നു കാണാം.
കേരളത്തില്‍ വന്‍ തൊഴില്‍ അവസരങ്ങള്‍ സൃഷ്ടിക്കാനുതകുന്ന സ്മാര്ട്ട് സിറ്റി യാഥാര്ത്ഥ്യവമാക്കി കൊണ്ട് വി.എസ് തന്റെ ആദ്യ ഗോള്‍ നേടി. ഭൂമിയുടെ സ്വതന്ത്രാവകാശം നല്കില്ല എന്ന വി.എസിന്റെ ആവശ്യം നേടി എടുക്കാന്‍ അദ്ദേഹത്തിനായി എന്നത് എടുത്തുപറയേണ്ടതാണ്. ഇൌ ആവശ്യത്തിന് മുന്നില്‍ ടീകോം പ്രതിനിധികള്ക്ക് മുട്ട് മടക്കേണ്ടി വരികയായിരുന്നു. വി.എസിന്റെ ഇൌ നേട്ടം അദ്ദേഹത്തെ അഭ്യസ്തവിദ്യരായ ചെറുപ്പക്കാര്ക്കിടയിലും പ്രിയങ്കരനാക്കി. സ്മാര്ട്ട് സിറ്റി വി.എസിന് ലഭിച്ച പൊന്‍ തൂവല്‍ തന്നെയാണ്.
മുന്‍ മുഖ്യമന്ത്രി നായനാരുടെ പൊളിറ്റിക്കല്‍ സെക്രട്ടറിയും സ്വന്തം പാര്ട്ടിക്കാരനുമായ പി.ശശിക്കെതിരെയായിരുന്നു വി.എസിന്റെ അടുത്ത ഗോള്‍. ശശിക്കെതിരെ ഉയര്ന്ന് അഴിമതി ആരോപണങ്ങള്ക്കെതിരെ വി.എസ് കൈക്കൊണ്ട കടുത്ത നിലപാടുകള്‍ മൂലം ശശിക്ക് ഒടുവില്‍ പാര്ട്ടിയിലെ സ്ഥാനമാനങ്ങള്‍ രാജിവയ്ച്ച് പോകേണ്ട സ്ഥിതിവരെ എത്തിച്ചേര്ന്നു . വി.എസിന്റെ ഇൌ നിലപാടുകള്‍ സ്വന്തം പാര്ട്ടിക്കും അത്ര ദഹിച്ചിട്ടുണ്ടാകില്ല. എങ്കിലും പ്രത്യേക രാഷ്ട്രീയ ചായ്വുകളില്ലാത്ത സാധാരണ മലയാളി മനസില്‍ വി.എസിന് വീണ്ടുംസ്ഥാനം ഉറപ്പിക്കാനായി.
ഇപ്പോഴിതാ രണ്ട് ദശാബ്ദക്കാലത്തെ നീണ്ട നിയമ പോരാട്ടത്തിനൊടുവില്‍ ഇടമലയാര്‍ കേസില്‍ മുന്‍ മന്ത്രി ആര്‍. ബാലകൃഷ്ണപിളളക്ക് ഒരു വര്ഷം തടവും പതിനായിരം രൂപ പിഴയും ശിക്ഷ ലഭിക്കുന്നതിനും വി.എസ് കാരണക്കാരനായി. 2003 ല്‍ ഹൈക്കോടതി ബാലകൃഷ്ണപിളളയെ കുറ്റവിമുക്തനാക്കിയിരുന്നെങ്കിലും വി.എസ് അദ്ദേഹത്തെ വിടാതെ പിന്തുടരുകയായിരുന്നു. ഇടമലയാറില്‍ ടണല്‍ നിര്മ്മിക്കുന്നതിന് ഒൌദ്യോഗിക പദവി ദുരുപയോഗം ചെയത് മുന്പത്തേതിനേക്കാള്‍ ഏഴിരട്ടി തുകക്ക് കരാര്‍ നല്കി എന്നതാണ് പിളളക്കെതിരെയുളള കേസ്. വരുന്ന നിയമസഭാ തെരഞ്ഞെടുപ്പിന് മുമ്പ് തന്നെ പിളളക്ക് ജയിലില്‍ പോകേണ്ടിവരും.
സ്വന്തം പാര്ട്ടിക്കാര്ക്കും ഇപ്പോള്‍ വി.എസിനെ പേടിയാണ്. പൊതുമുതല്‍ കട്ടുതിന്നുന്നവരെ വെറുതെ വിടില്ലെന്ന് വി.എസ് പറഞ്ഞു കഴിഞ്ഞു. ഇടമലയാര്‍ കേസിലേതുപൊലെ പാമോയില്‍ കേസിലും അഴിമതിക്കാരെ ശിക്ഷിക്കുന്നതുവരെ പോരാടുമെന്ന് വി.എസ് വ്യക്തമാക്കി . ലാവ്ലിന്‍, ഐസ്ക്രീം പാര്ലര്‍ പെണ്വാിണിഭം തുടങ്ങി നിരവധിക്കേസുകള്‍ ഇനിയുമുണ്ട്. അഴിമതിക്കാരെ കരുതിയിരിക്കുക. വി.എസ് എന്ന രാഷ്ട്രീയ പോരാളി പിന്നാലെയുണ്ട്.
ലോകത്തെ 20 ശതമാനം വാഹനാപകടങ്ങള്‍ക്കും കാരണം മദ്യപിച്ച് വാഹനം ഒാടിക്കുന്നതാണ് എന്ന വാര്‍ത്ത കേട്ടാല്‍ സാധാരണക്കാര്‍ എങ്ങനെ ചിന്തിക്കും? ഇത്രയധികം അപകടങ്ങള്‍ക്ക് കാരണക്കാരനായ മദ്യത്തെ വാഹനം ഒാടിക്കുമ്പോഴെങ്കിലും മാറ്റി നിര്‍ത്താം എന്നല്ലേ. എന്നാല്‍ എല്ലാ കാര്യങ്ങളേയും വളരെ പോസിറ്റീവായി കണ്ട മഹാനായ മദ്യപന്‍ ചിന്തിച്ചത് എന്താണെന്നറിയുമോ? മദ്യപിക്കാതെ ചായയോ കാപ്പിയോ സോഫ്റ്റ് ഡ്രിങ്ക്സോ ഒക്കെ കുടിച്ച് കൊണ്ട് വാഹനം ഒാടിക്കുന്ന 80 ശതമാനം പേരും അപകടത്തില്‍പ്പെടുകയാണ്. എന്നാല്‍ മദ്യപിച്ച് വാഹനം ഒാടിക്കുന്നവരാകട്ടെ 20 ശതമാനം മാത്രമേ അപകടങ്ങളില്‍പ്പെടുന്നുളളൂ. എങ്ങനെയുണ്ട് ഇൌ ചിന്താഗതി? ഇതാണ് പോസിറ്റീവ് തിങ്കിംഗ്. ഏത് കാര്യമായാലും അവയിലെ നല്ലവശങ്ങളെക്കുറിച്ച് മാത്രം ചിന്തിക്കുന്നതിനെയാണ് പോസിറ്റീവ് തിങ്കിംഗ് എന്ന് പറയുന്നത്. എന്തിലേയും ദോഷവശങ്ങള്‍ മാത്രം നോക്കി കാണുന്ന ചിന്താഗതിയാണ് നെഗറ്റീവ് തിങ്കിംഗ്. വീട്ടില്‍ നിന്ന് ബൈക്കില്‍ പുറപ്പെട്ട മകന്‍ തിരിച്ചെത്താന്‍ വൈകുമ്പോള്‍ അവന്‍ വല്ല അപകടത്തിലും പെട്ടോ എന്ന് ആദ്യമേ ചിന്തിക്കുന്ന അമ്മമാര്‍ നമുക്ക് ചുറ്റുമുണ്ട്.
ശുഭകാര്യങ്ങള്‍ക്കായി വീട്ടില്‍ നിന്നിറങ്ങുമ്പോള്‍ ശകുനം നോക്കുന്നത് മിക്ക മലയാളികളുടേയും ശീലമാണ്. യാത്രക്കായി ഇറങ്ങുമ്പോള്‍ വല്ല ദുശകനുവും വന്നാലോ.... അന്നത്തെ ദിവസം പോയിക്കിട്ടും. ഇത്തരം അനുഭവങ്ങള്‍ മിക്കവര്‍ക്കും ഉണ്ടാകും. എന്തുകൊണ്ടാണ് ഇങ്ങനെ സംഭവിക്കുന്നതെന്ന് ചിന്തിച്ചിട്ടുണ്ടോ? ദുശകുനം വല്ലതും കണ്ടാല്‍ അപ്പോള്‍ തന്നെ നമ്മുടെ മനസ് പതറി തുടങ്ങും. പിന്നീട് മനസില്‍ ടെന്‍ഷന്റെ വിളയാട്ടമായിരിക്കും. ടെന്‍ഷനോടേയും ഭയത്തോടെയും ചെയ്യുന്ന ഒരു കാര്യങ്ങളും വിജയത്തില്‍ എത്തില്ല. എന്നാല്‍ ഇത്തരം പരാജയങ്ങള്‍ക്കെല്ലാം നാം പഴിപറയുന്നതോ ദുശകുനമായി വന്ന പാവം അന്യജാതിക്കാരനെ.
ഇന്റര്‍വ്യൂവിന് പോകാനായി രാവിലെ കുളിച്ച് നൂറ് ദൈവങ്ങളേയും മനസില്‍ ധ്യാനിച്ച് വീട്ടില്‍ നിന്നിറങ്ങിയ ഉദ്യോഗാര്‍ത്ഥിയുടെ കാല്‍ കല്ലില്‍ തട്ടി ഒരല്‍പ്പം മുറിഞ്ഞെന്നിരിക്കട്ടെ. ഉണ്ടായിരുന്ന ആത്മവിശ്വാസമെല്ലാം പാടേ ചോര്‍ന്നൊലിക്കും. ആത്മവിശ്വാസമില്ലാതെ ടെന്‍ഷനിടിച്ച് ഇന്റര്‍വ്യൂ ചെയ്യുന്നയാളുടെ മുന്നില്‍ ചെന്നിരുന്നാല്‍ ജോലി ലഭിക്കുമോ? ഇത്തരം അവസ്ഥയില്‍ തങ്ങള്‍ക്കുളള കഴിവ് പൂര്‍ണമായും വിനിയോഗിക്കാനാകാതെ വരുമ്പോള്‍ പരാജയം നമ്മെ തുറിച്ച് നോക്കും. എന്നാല്‍ കല്ലില്‍ തട്ടി മറിഞ്ഞ് വീണ് തല പൊട്ടിയില്ലല്ലോ. ഇത്രയല്ലേ സംഭവിച്ചോളൂ എന്ന് കരുതി ആത്മവിശ്വാസത്തോടെ പ്രവര്‍ത്തിച്ചിരുന്നെങ്കിലോ? ഫലം മറ്റൊന്നായേനേ. എന്നാല്‍ വാഹനാപകടത്തില്‍ ചതഞ്ഞരഞ്ഞ് കിടക്കുന്ന മൃതദേഹത്തില്‍ നോക്കി ഇത്രയല്ലേ സംഭവിച്ചോളു എന്ന് പറയുന്നത് അത്ര നല്ല പോസിറ്റീവ് തിങ്കിംഗ് അല്ല.
രാത്രി മുറ്റത്തേക്കിറങ്ങിയപ്പോള്‍ ഇരുട്ടത്ത് എന്തോ കടിച്ചെന്ന് സംശയം തോന്നിയ എന്റെ ഒരു പരിചയക്കാരന്‍, കടിച്ചത് പാമ്പാണെന്ന് കരുതി ഉടന്‍ തന്നെ ബന്ധുക്കളുമായി ആശുപത്രിയിലേക്ക് പോയി. എന്നാല്‍ യാത്രാമദ്ധ്യേ തന്നെ ഇയാള്‍ മരണമടയുകയും ചെയ്തു. മൃതദേഹം പരിശോധിച്ച ഡോക്ടര്‍ ശരീരത്ത് വിഷം തീണ്ടിയിട്ടില്ല എന്ന് കണ്ടെത്തുകയും മുറിവില്‍ നിന്ന് ഇൌര്‍ക്കില്‍ കഷണം കണ്ടെത്തുകയും ചെയ്തു. മരണകാരണമാകട്ടെ അനാവശ്യ ഭയം മൂലമുളള ഹൃദയാഘാതവും. ഒരു ചെറിയ തലവേദന വന്നാല്‍ അത് ബ്രെയിന്‍ ട്യൂമറാണെന്നും ഇടത് കൈ വേദനിച്ചാല്‍ ഹാര്‍ട്ട് അറ്റാക്കിന്റെ തുടക്കാമാണെന്നും വയറ്റില്‍ വേദന വന്നാല്‍ കുടലില്‍ അര്‍ബുദമാണോ എന്നും ചിന്തിച്ച് ടെന്‍ഷന്‍ അടിക്കുകയും അതില്‍ ആനന്ദം കണ്ടെത്തുകയും ചെയ്യുന്ന മലയാളി മനസുകള്‍ക്ക് പോസിറ്റീവ് തിങ്കിംഗ് അത്ര ദഹിച്ചെന്ന് വരില്ല.
നെഗറ്റീവായുളള കാര്യങ്ങള്‍ മാത്രം ചിന്തിക്കുക എന്നത് ജീവിത വിജയത്തിന് തടസ്സം നില്‍ക്കും. മനുഷ്യന്റെ വിജയകരമായ പ്രവര്‍ത്തനങ്ങള്‍ക്ക് പിന്നില്‍ സമാധാനപരവും സന്തോഷകരവുമായ മാനസിക അവസ്ഥ സുപ്രധാനമാണ്. സംഭവിച്ചതെല്ലാം നല്ലതിന്, സംഭവിക്കാന്‍ ഇരിക്കുന്നതും നല്ലതിന് എന്ന ചിന്തയും പോസിറ്റീവ് തിങ്കിംഗ് തന്നെയാണ്. പോസിറ്റീവ് തിങ്കിംഗിനെ നമുക്ക് ഉപകരിക്കുന്ന രീതിയില്‍ വേണം ഉപയോഗിക്കാന്‍. തിരക്ക് പിടിച്ച ആധുനിക ലോകത്ത് ടെന്‍ഷന്‍ മനഷ്യന്റെ കൂടെപ്പിറപ്പാണ്. അതോടൊപ്പം നമ്മുടെ ചിന്തകളെ ശരിയായ വിധം നയിച്ചില്ലെങ്കില്‍ അവ ടെന്‍ഷന്‍ വര്‍ദ്ധിപ്പിക്കുക തന്നെ ചെയ്യും. അമിതമായ ടെന്‍ഷന്‍ മനുഷ്യന്റെ ആയുസ് കുറക്കും. അതിനാല്‍ ഏത് കാര്യമായാലും അവയിലെ ഗുണവശങ്ങള്‍ മാത്രം കാണുന്നത് ശീലമാക്കി സ്വന്തം കഴിവുകളെ പരമാവധി പ്രയോജനപ്പെടുത്തു.
പ്രവാസികളായ മലയാളികള്‍ ഏറ്റവും കൂടുതല്‍ ഉളള നാടാണല്ലോ ദുബായ്‌. ടൂറിസം, റിയല്‍ എസ്റ്റേറ്റ്‌ തുടങ്ങിയവയാണ്‌ ദുബായ്‌ എന്ന എമിറേറ്റിനെ ലോക ശ്രദ്ധയിലേക്ക്‌ എത്തിച്ചത്‌. എന്നാല്‍ ആഗോള സാമ്പത്തിക പ്രതിസന്ധി ഇൌ മഹാനഗരത്തിന്‌ കനത്ത ആഘാതമാണ്‌ ഏല്‍പ്പിച്ചിരിക്കുന്നത്‌. സാമ്പത്തിക പ്രതിസന്ധിയില്‍ മിക്ക വികസിത രാജ്യങ്ങളും പിച്ചവച്ച്‌ കയറി തുടങ്ങിയെങ്കിലും ദുബായില്‍ കാര്യമായ ചലനങ്ങള്‍ സൃഷ്ടിച്ചിട്ടില്ല.
ഇവിടെ ആരംഭിച്ചിട്ടുളള മിക്ക പ്രോജക്ടുകളും പണി പൂര്‍ത്തിയാക്കാനാകാതെ പാതി വഴിയിലാണ്‌. പുതിയതായി പ്രോജക്ടുകള്‍ അധികം ആരംഭിക്കുന്നതും ഇല്ല. നിര്‍മ്മാണ മേഖലയിലെ മിക്ക കമ്പനികള്‍ക്കും പണികള്‍ നന്നേ കുറവ്‌.
എന്നാല്‍ യു.എ.ഇയിലെ തന്നെ മറ്റൊരു എമിറേറ്റായ അബുദാബിയെ ഇൌ പ്രതിന്ധി അത്രകണ്ട്‌ ബാധിച്ചിട്ടില്ല. യു.എ.ഇയില്‍ ആകെ ഏഴ്‌ എമിറേറ്റുകളാണുളളത്‌. ഒാ‍രോ എമിറേറ്റിനും സ്വന്തമായി ഭരണ സംവിധാനവും ഉണ്ട്‌. എണ്ണ ഉല്‍പ്പാദനമാണ്‌ അബുദാബിയുടെ പ്രധാന വരുമാന സ്രോതസ്‌. ഇതിലൂടെയുളള വരുമാനം അബുദാബിയെ ഇൌ പ്രതിസന്ധിയിലും കുലുക്കാതെ കാക്കുന്നു. അബുദാബിയില്‍ മുമ്പത്തേക്കാളേറെ നിര്‍മ്മാണ പ്രവര്‍ത്തനങ്ങള്‍ നടക്കുന്നുമുണ്ട്‌. ദുബായിലുളള മിക്ക കമ്പനികളും ഇപ്പോള്‍ അബുദാബിയിലേക്ക്‌ ചേക്കേറുകയാണ്‌.
വികസിത രാജ്യങ്ങളെ സാമ്പത്തിക പ്രതിസന്ധി ബാധിച്ചപ്പോള്‍ ദുബായിലേക്ക്‌ എത്തിയിരുന്ന വിദേശ ടൂറിസ്റ്റുകളുടെ എണ്ണത്തെ കാര്യമായി ബാധിച്ചു. ദുബായിലെ മിക്ക വലിയ പ്രോജക്ടുകളും വികസിത രാജ്യങ്ങളിലെ കമ്പനികളുടേതാണ്‌. ദുബായില്‍ എണ്ണ ഉല്‍പ്പാദനത്തിലൂടെയുളള വരുമാനം വളരെ കുറവാണ്‌. അടുത്തിടെ ദുബായുടെ വടക്കന്‍ ഭാഗങ്ങളില്‍ എണ്ണ സ്രോതസ്‌ കണ്ടെത്തിയെന്ന വാര്‍ത്ത പോലും ഇവിടുത്തെ ഒാ‍ഹരി വിപണികളില്‍ ചലനം സൃഷ്ടിച്ചിരുന്നു. എന്നാല്‍ ഇവിടെ എണ്ണ ഖാനനം ആരംഭിക്കണമെങ്കില്‍ കുറഞ്ഞത്‌ രണ്ട് വര്‍ഷമെങ്കിലും എടുക്കുമെന്നതാണ്‌ മറ്റൊരു വസ്‌തുത.
നിര്‍മ്മാണ പ്രവര്‍ത്തനങ്ങള്‍ കുറഞ്ഞതോടെ പലരും ജോലി നഷ്ടപ്പെട്ട്‌ സ്വന്തം നാട്ടിലേക്ക്‌ മാറ്റപ്പെട്ടു. ഇത് വാടകയില്‍ ഗണ്യമായ കുറവിന്‌ കാരണമായി. അതിന്റെ ഫലമായി റിയല്‍ എസ്റ്റേറ്റ്‌ രംഗം ആകെ തളര്‍ന്നു. നേരത്തെ ഒരാള്‍ക്കുളള താമസ സ്ഥലം പോലും ലഭിക്കാന്‍ ബുദ്ധിമുട്ടിയിരുന്ന സ്ഥാനത്ത്‌ ഇപ്പോള്‍ എവിടെ നോക്കിയാലും " ടു ലെറ്റ്‌" ബോര്‍ഡുകള്‍.
ഇരുന്നൂറിലധികം രാജ്യങ്ങളിലെ ജനങ്ങള്‍ ദുബായില്‍ ഉണ്ടെന്നാണ്‌ കണക്ക്‌. തദ്ദേശീയര്‍ നന്നേ കുറവും. ഇവിടെ പത്ത്‌ ശതമാനം മാത്രമേ തദ്ദേശീയര്‍ ഉളളൂ. ബാക്കിയുളള തൊണ്ണൂറ്‌ ശതമാനത്തില്‍ 90 ശതമാനവും ഇന്ത്യക്കാരാണ്‌. ആ ഇന്ത്യക്കാരില്‍ 90 ശതമാനവും മലയാളികളാണുളളത്‌ മറ്റൊരു വസ്‌തുതയും. അതുകൊണ്ട്‌ തന്നെ ദുബായിലെ ഇപ്പോഴുളള പ്രതിസന്ധി ഏറെ ബാധിക്കുന്നതും മലയാളികളെ ആയിരിക്കുമെന്നുളളത്‌ ഉറപ്പ്‌.
ട്വിറ്റര്‍ എന്ന മൈക്രോ
ബ്ലോഗിംഗ്‌ സൈറ്റ്‌ ഇന്ന്‌ ഏറെ പ്രചാരം നേടിക്കഴിഞ്ഞു. പല പ്രമുഖരും തങ്ങള്‍ മറ്റുളളവരുടെ
മുഖത്ത്‌ നോക്കി പറയാനാവാത്തത് ഇന്ന്‌ ട്വിറ്ററിലൂടെ ട്വിറ്റുകയാണല്ലോ. പ്രമുഖര്‍ തങ്ങള്‍ക്ക്‌
പറയാനുളളത്‌ പത്രസമ്മേളനം നടത്തി പറയുന്ന കാലമൊക്കെ കഴിഞ്ഞു. ഇപ്പോള്‍ അത്തരം വിവാദ
പരാമര്‍ശങ്ങളൊക്കെ ട്വിറ്ററിലൂടെ കാച്ചും. അതിനാല്‍ പത്രക്കാര്‍ക്കും എളുപ്പമുണ്ട്‌.
ട്വിറ്ററും ഒാ‍പ്പണ്‍ ചെയ്‌ത്‌ ഇരുന്നാല്‍ മതി. ഒരു സ്കൂപ്പിനുളള വക അതില്‍ നിന്ന്
കിട്ടും. ശശി തരൂരിന്റേയും സാനിയായുടേയും ലളിത്‌ മോഡിയുടേയും ഒക്കെ ട്വിറ്റുകള്‍
കണ്ട്‌ ഹരം കൊളളുന്ന സാധാരണക്കാരും കമ്പ്യൂട്ടറിന്റെ മുന്നില്‍ നിന്ന് ഉണ്ണാന്‍ പോയാലും
അപ്പി ഇടാന്‍ പോയാലും ട്വിറ്ററിലൂടെ സുഹൃത്തുക്കളെ അറിയിച്ചിട്ടേ പോകൂ..... കലികാലം.
സോറി കമ്പ്യൂട്ടര്‍ യുഗം
